Американскиот претседател Доналд Трамп потпиша извршна наредба со која се прошируваат санкциите против кубанската влада, со цел да се зголеми притисокот врз Хавана.
Кубанскиот министер за надворешни работи Бруно Родригез ги отфрли мерките, оценувајќи дека станува збор за „еднострани мерки“ што претставуваат колективна казна за кубанскиот народ.
„САД немаат право да воведуваат мерки против Куба или трети земји. Нема да нѐ заплашат“, порача Родригез.
Вашингтон со години бара Куба да го отвори државното стопанство, да исплати обештетување за одземени имоти и да организира слободни избори, барања што Хавана ги отфрла.
