Skip to main content
Свет

Трамп: Одам во Саудиска Арабија да потпишам договор вреден билион долари

07/03/2025  08:31

Американскиот претседател Доналд Трамп изјави синоќа дека најверојатно ќе го направи своето прво патување во странство во Саудиска Арабија за да потпише договор со Ријад за инвестирање повеќе од илјада милијарди долари во американската економија, вклучително и купување воена опрема.

Според него, Саудијците се подготвени да инвестираат илјада милијарди долари во текот на четири години во американски компании, вклучително и купување американска воена опрема.

Специјалниот пратеник на Трамп за Блискиот Исток, Стив Виткоф, им изјави на новинарите дека Саудијците ќе бидат домаќини на американско-украинскиот состанок следната недела каде ќе се разговара за прекин на огнот во војната во Украина.