Skip to main content
Македонија

Тошковски: Најдобрите студенти ќе се вработат во МВР, а професорите ќе предаваат и во средното полициско училиште

03/06/2025  13:58

Министерот за внатрешни работи Панче Тошковски денеска се обрати на одбележување на 50 години од формирањето и дејствувањето на Институтот за безбедност, одбрана и мир при Филозофскиот факултет на Универзитетот „Св. Кирил и Методиј“ во Скопје.

Тошковски истакна дека половина век постоење на една академска институција значи многу повеќе од бројка, тоа е сведоштво за посветеност, упорност, научна страст и континуирана мисија во образованието и формирањето на генерации стручни и одговорни личности.

„Во рамки на досегашната соработка помеѓу министерството и институтот креиравме мост помеѓу науката и институцијата во насока на реализација на конкретни проекти кои би биле од силно значење како за институтот, студентите така и институциите. Веќе сме во процес за реактивација на средното полициско училиште кое е синоним за градење на професионални полициски кадри и треба да се случи следната година и во таа насока дел од професионалниот кадар ќе биде токму од Институтот за безбедност, одбрана и мир“, потенцираше Тошковски.