Skip to main content
Македонија

Таравари: Завршена јавната набавка за инсулин, потпишан договор за две години

05/05/2025  14:08

Министерот за здравство Арбен Таравари од Тетово информираше дека јавната набавка за инсулин е завршена, потпишан е договор и извршено снабдување на аптеките и болниците со лекот за регулирање на шеќер во крвта. Тој рече дека јавната набавка е за наредните две години, што го оцени како начин да се избегне недостаток на инсулин.

На новинарско прашање, Таравари информираше дека сè уште го чека извештајот од комисијата за стручен надзор за случајот со починат пациент на Универзитетската Клиника за државна кардиохирургија – Скопје.

Министерот во Тетово на Медицинскиот факултет го посети тестирањето на лекари кои специјализирале во приватни болници, а се јавиле за вработување во јавните здравствени установи.