Skip to main content
Свет

Талибанците забранија 679 академски книги и учебници

28/09/2025  21:38

Талибанското Министерство за високо образование забрани 679 учебници и академски книги за авганистанските факултети.

Книгите се забранети со образложение дека содржат идеолошка, верска, политичка, културна и академска несоодветна содржина. Министерството за образование им препорача на факултетите да ги суспендираат забранетите книги и материјали.

Забранетите книги на различни теми, од тие за исламски прашања, право, економија, новинарство, литература и психологија, до оние за инженерство, медицина, земјоделство и екологија.

Книгите што се забранети се издадени од ирански, арапски, западни и авганистански издавачи. Забранети се и книги пишувани од жени, но сè уште се разгледува можноста да бидат забранети сите книги пишувани од жени.