Дали караниците навистина можат да го зацврстат бракот? Според ново истражување спроведено на Универзитетот Тенеси, одговорот е – да.
Резултатите од истражувањето покажале дека паровите кои својот брак го опишуваат како среќен и стабилен многу почесто се расправаат отколку оние кои избегнуваат конфликти. Сепак, истражувачите нагласуваат дека овие парови внимателно избираат околу кои теми ќе влезат во расправија и се обидуваат да избегнат конфликти за најчувствителните прашања.
Во истражувањето учествувале 121 брачен пар на возраст меѓу 30 и 70 години, со брачен стаж од 9 до 42 години. Анализите покажале дека отворената комуникација, дури и кога вклучува несогласувања и расправии, придонесува за подобро разбирање и поголема блискост меѓу партнерите.
Претходни истражувања исто така покажале дека луѓето кои отворено разговараат и се расправаат со партнерот имаат дури десет пати поголеми шанси да имаат добар и среќен брак во споредба со оние кои ги потиснуваат проблемите и ги „туркаат под тепих“.
Научниците порачуваат дека караниците не се закана за врската, туку можат да бидат здрав дел од неа – сè додека се водат со почит и со желба да се реши проблемот, а не да се повреди партнерот.
