Убава вест дојде попладнево од семејството на 16 годишната Ана Радеска од Скопје, кои ја известија јавноста дека за само неколку дена ја собраа потребната сума за нејзината операција и лекување во Германија.
Граѓаните уште еднаш ја покажаа својата хуманост и со нивна помош се надеваме Ана ќе ги продолжи своите тинејџерски години без грижи и болки.
“Благодарение на сите вас хумани луѓе, Ана на крај на идниот месец заминува на операција во Бамберг, Германија.
Семејството Радески од срце ви благодари за вашата хуманост и вашата големина која сите вие ја покажавте во изминативе 5 дена”, додаваат од семејството.
“Силата на овој народ се гледа преку хуманитарни акции. Не е ни прв пат, а ни последен. Имаме сила планини да поместиме!!!
Драги другари, пријатели, роднини, познати и непознати сограѓани, немам зборови со кои можам да ви се заблагодарам за вашите донации, пораки и поддршка во овие 4-5 дена
❗️Парите за Ана се СОБРАНИ!!!!❗️❗️
Се надевам дека во животов ќе имам прилика на некаков начин, некогаш да вратам услуга, и да враќам само за убави настани.
Сега одиме на фаза II – припрема за операцијата”, додава мајката на Ана.
