Skip to main content
Македонија

СДСМ започнува со „Вистината за случајот АНБ“ – зошто власта бега од декласификација?

05/09/2025  09:15

СДСМ денеска најави дека започнува со објавување на „Вистината за случајот АНБ“, по серијата информации што изминатата недела ја потресоа јавноста.

Од партијата прашуваат зошто речиси една недела по објавувањето на наводите за наводно следење, власта сѐ уште не ја започнала процедурата за декласификација на документите поврзани со случајот.

Дополнително, СДСМ прашува зошто и лидерот на ВМРО-ДПМНЕ, Христијан Мицкоски, лично не побарал декласификација на документацијата од Агенцијата за национална безбедност, во која, како што се наведува, наводно бил следен.

„Кои се причините и што се крие зад бегањето на власта од декласификацијата на документите?“, порачаа од партијата.