Албанскиот премиер Еди Рама денеска го посети поранешниот претседател на Косово, Хашим Тачи, во Хаг. Тој е во притвор од ноември 2020 година, под обвинение за воени злосторства.
„Тукушто ја напуштив зградата каде што се игра театарот на срамот на меѓународната правда со Хашим Тачи, кој беше киднапиран без судење и обвинение од канцеларијата на претседателот на Републиката, каде што го одведоа луѓето на Косово, и со Косовската ослободителна војна, која не може да се оскверни со фарса започната за трговија со органи од руските марионети на Путиновата Дума во Стразбур и продолжена со секакви апсурди и гротескни сведоци на меѓународното обвинение во Хаг, напиша Рама.
„Го најдов командантот во добра форма, смирен, спокоен и насмеан како секој невин со железен карактер, иако со апсурдни ограничувања на минималните права што му беа одземени во споредба со минатиот пат – срам сам по себе, со еден збор!“, додаде Рама.
Тој соопшти дека разговарале за семејствата, за заедничките пријатели, за Албанија и Косово, за книгата „Скендербег“ од Аурел Пласари, што му ја донесов претходно, за најновата книга на Кисинџер што му ја донел овој пат и за уште две или три книги од мноштвото негови читања во оваа земја, која Хашим со смеа ја нарекува „институтот“.
„
