Рускиот претседател Владимир Путин на денешната прес конференција со неговиот белоруски колега Александар Лукешнко се осврна на разговорите за прекин на огнот, со посредство на САД.
– Во врска со подготвеноста на Украина за прекин на огнот, ќе ви дадам моја оценка. Прво, благодарам на американскиот претседател (Доналд Трамп) за неговото учество во решавањето на конфликтот. Второ, ние се согласуваме со предлозите за прекин на огнот, но нашиот став е дека прекинот на огнот треба да се води кон долгорочен мир и елиминирање на причините за конфликтот. Се чини дека Украина ја донесе одлуката поради американскиот притисок. Убеден сум дека Украина се согласи бидејќи Американците ги убедија во тоа, со оглед на ситуацијата на теренот, рече Путин.
-Бев во Курск, ситуацијата е целосно под наша контрола. Групата што влезе во областа е опколена. Командата на украинската армија беше егзекутирана, тие изгубија таму. Се обидуваа да заминат во мали групи, сè е под наша контрола. Ја оставија нивната опрема. Ќе го блокираме регионот во следните неколку дена, никој нема да може да го напушти. Но, што значи ова за Курск? За да можат Украинците слободно да си заминат, тие луѓе што извршиле злосторства? Што ќе биде на првата линија? Русија сега е во офанзива во сите правци. Како ќе ги искористат тие 30 дена? Да се продолжи присилната мобилизација во Украина, да се доставуваат залихи и да се тренираат единици? Како ќе вршиме контрола, како да ни се гарантира дека тоа нема да се случи? Кој ќе издаде наредби за прекин на огнот? Се работи за 2.000 километри, кој ќе одлучи кој и каде го прекршил примирјето?, појасни рускиот лидер.
– Сите тоа се прашања кои мора добро да се проучат од двете страни. Идејата како таква е добра, но мора да се разговара. Треба да разговараме за тоа со нашите американски партнери, можеби да имаме телефонски повик со претседателот Трамп. Но, ние поддржуваме мирно решавање на конфликтот, нагласи рускиот претседател.
– Ги знаеме нашите интереси и нашите цели, разговаравме со Трамп. Видовме дека Зеленски беше понижуван во Белата куќа и секаде на друго место. Сега треба да размислува за мир. Не сакаа ни да зборуваат за договор за минерали, сега се согласуваат со тоа“, рече тој.
„Доколку Русија и САД се согласат да соработуваат за енергетското прашање, тогаш цевките кон Европа може повторно да се стават во функција, тие ќе добијат евтин гас, изјави Путин.
На прес конференцијата беше соопштено дека денеска не се очекува телефонски повик Трамп-Путин, но се очекува вечерва средба на рускиот претседател со американскиот специјален претставник Стив Виткоф.
