Променливо облачно време со сончеви периоди ќе преовладува во текот на денешниот ден, додека во утринските часови наместа е можно провејување на слаб снег.
Ќе дува слаб до умерен ветер од северозападен правец. Утринските температури се движат од -2 до 3 степени, а дневните ќе достигнат максимум од 7 до 13 степени.
Во Скопје се очекува слично време, променливо облачно со сончеви периоди и умерен северен ветер. Температурата во главниот град ќе се искачи до 9 степени.
Во однос на изгледите за наредните денови, до вторник ќе се задржи суво време, а промена со врнежи од дожд и снег на планините се очекува во среда.
