Skip to main content
Македонија

Претседателот на Собранието Гаши го пречека претседателот на хрватскиот Сабор Јандроковиќ

06/03/2025  10:41

Со церемонија со високи почести пред претседателот на Собранието Африм Гаши пред зградата на законодавниот дом го пречека претседателот на хрватскиот Сабор, Гордан Јандроковиќ, кој престојува во официјална посета на земјава.

Според најавата од Собранието, Јандроковиќ ќе се потпише во Книгата на впечатоци и ќе следуваат изјави за медиумите на двајцата собраниски спикери. Потоа претседателот на хрватскиот сабор Јандроковиќ ќе се обрати пред пратениците во рамки на 37. седница.

Тој ќе се сретне и со Благица Ласовска, претседателка на Пратеничката група на Собранието на Република Северна Македонија за соработка со парламентот на Република Хрватска и со членовите на групата.