Патнички авион на Јунајтед ерлајнс кој летал од Флорида до Њу Џерси принудно слетал на меѓународниот аеродром Вашингтон-Далас поради пожар во кабината.
Летот број 1513 полета од меѓународниот аеродром Ки Вест во Флорида и се упати кон меѓународниот аеродром Њуарк Либерти во сојузната држава Њу Џерси, објавено е на сајтот „FlightAware“, кој глобално ги следи податоците за сите летови во реално време, пишува Вашингтон Тајмс.
Сепак, според „FlightAware“, авионот два часа по полетувањето бил принудно да слета на аеродромот во Далас во Вашингтон наместо во Њуарк.
„Пилотите решија да го пренасочат авионот поради пожар во кабината. Членовите на екипажот видоа чад што доаѓа од рерната во галијата на Боинг 737. Печките се користат за подгревање на оброците на летовите“, изјави портпаролот на „Јунајтед ерлајнс“.
Патниците излегле од авионот во Вашингтон, а компанијата „Јунајтед ерлајнс“ обезбедила нов авион за да ги превезе до Њуарк.
Американските власти не пријавија повреди на патници или членови на екипажот, а Федералната управа за авијација потврди дека го истражува инцидентот.
