На 54-годишна возраст, денеска почина Анче Трифунов – поранешен претседател на советот на Општина Кочани и Државен секретар во Министерството за економија.
Веста ја објави општинскиот комитет на ВМРО ДПМНЕ од Кочани од каде соопштија дека денеска на 54 годишна возраст во Кочани починал Анче Трифунов, поранешен претседател на Советот на Општина Кочани и Државен секретар во Министерство за економија.
– Денес е голема загубата за сите чесни сопартијци, денес почина Анче Трифунов, наш долгогодишен член и активист, бивш Претседател на Совет на Општина Кочани и Државен секретар во Министерство за економија.
Анче Трифунов е роден на 10.01.1971 година, дипломиран машински инжинер кој работните обврски ги извршуваше во ЈПССДП, каде своевремено беше и раководител на истоимената ПЕ.
