Украинскиот парламент не успеа да го именува Михаило Федоров за нов министер за одбрана поради недоволна поддршка, пренесе ДПА. Федоров, 34-годишен, претходно го водеше Министерството за дигитализација и ќе беше четврти министер за одбрана од почетокот на руската инвазија во февруари 2022 година. Нов обид за потврда се очекува утре.
Именувањето на поранешниот министер за одбрана Денис Шмихал за министер за енергетика исто така не успеа, откако му недостигаа 16 гласа за потврда. Парламентот денеска го разреши и шефот на разузнавачката служба СБУ, Васил Малјук, кој ја водеше агенцијата од 2022 година и беше вмешан во операции против руските воени бази. Од почетокот на инвазијата Украина се брани со западна поддршка, а наводите за корупција водат до обиди за реконструкција на владата.
