Без разлика на околностите, постојат луѓе кои секогаш ќе најдат причина за грижа.
За нив чашата е секогаш „напола празна“, а дури и кога работите се одвиваат добро, тие се подготвени на најлошото. Според астрологијата, токму овие три хороскопски знаци најчесто важат за најголеми песимисти.
Девица
Девиците се познати по својата аналитичност и перфекционизам. Но, токму таа потреба за ред и контрола често ги води кон негативни мисли. Тие однапред ги анализираат сите можни исходи – и тоа најчесто оние лошите. Дури и кога сè изгледа совршено, Девицата ќе пронајде некој мал детал што „не е на место“ и ќе го претвори во причина за загриженост.
Јарец
Јарците важат за реалисти, но нивната „реалност“ често се претвора во песимизам. Убедени се дека ништо не се добива без напор и дека секогаш треба да се оди по потешкиот пат. Наместо да се надеваат на најдоброто, тие повеќе веруваат во пристапот „подобро спречи отколку лечи“. Токму затоа често размислуваат негативно, дури и кога нема вистинска причина за тоа.
Риби
Иако често се опишуваат како сонувачи и чувствителни души, Рибите лесно паѓаат во песимизам. Кога ќе се соочат со проблем, тие имаат навика да се повлечат во себе и да замислуваат најцрни сценарија. Нивната богата фантазија не се користи само за убави идеи, туку и за создавање мисли за сите можни несреќи што би можеле да се случат. Поради тоа често изгледаат вознемирени и несигурни, дури и кога се во стабилна средина.
