Од утре, 8 јануари 2026 година, со почеток во 10:00 часот, граничниот премин Меџитлија (Ники) ќе биде целосно затворен за товарниот сообраќај. Како што информираат од Авто-мото сојузот на Македонија (АМСМ), блокадата е поради протест на грчките земјоделци, кои најавија радикализација на своите активности.
Од АМСМ апелираат превозниците навремено да ги пренасочат своите рути и да користат алтернативни гранични премини, како и редовно да ги следат официјалните информации за евентуални промени на состојбата.
