Skip to main content
Македонија

Од полноќ почнува изборната кампања – СДСМ од Крушево, ВМРО-ДПМНЕ од Скопје

28/09/2025  22:32

Од полноќ официјално почнува 20-дневната кампања за Локалните избори 2025 што ќе се одржат на 19 октомври. Со тоа стартува изборната трка за градоначалници и советници во сите општини низ државата.

СДСМ ја започнува својата кампања од Крушево, додека ВМРО-ДПМНЕ ќе го има првиот митинг во Скопје.

Овие избори се осми локални избори од независноста на државата, а четврти по ред на кои граѓаните ќе избираат и градоначалници и советнички листи во 80 општини и во Градот Скопје.

Според податоците на Државната изборна комисија, за функцијата градоначалник вкупно се натпреваруваат 309 кандидати, додека за советничките места поднесени се 576 кандидатски листи со 10.490 кандидати.