Полицаец бил нападнат во Гази Баба. Во Визбегово пак е пријавен сериозен случај на насилен упад и физички напад во семеен дом, информира Министерството за внатрешни работи.
Во вториот случај, пријавен на 22 март во 01:00 часот, 57-годишен жител на селото Визбегово пријавил дека претходната вечер, околу 22:30 часот, неколку лица негови соседи насилно влегле во неговиот дом.
Според пријавата, напаѓачите ја скршиле влезната врата и физички го нападнале, при што едно од лицата го удирало со пиштол по главата. Во инцидентот било оттурнато и малолетното дете на пријавителот.
Од полицијата информираат дека се преземаат мерки за расчистување на случајот и идентификување на сторителите.
