Skip to main content
Македонија

Најден е тефтерот на газдата на „Пулс“ Дејан Јованов, се знае кому сè плаќал мито, откри Коцевски

30/05/2025  11:37

Државниот јавен обвинител Љупчо Коцевски вечерва во интервју за ТВ „24“ рече дека е пронајден тефтерот на сопственикот на изгорената дискотека „Пулс“ во Кочани, Дејан Јованов-Деко, во кој пишува кому сè тој му плаќал мито.

Тој откри и дека поради тешката здравствена состојба на членот на групата ДНК која настапуваше кобната вечер во дискотеката „Пулс“, Владимир Блажев-Панчо, кој е осомничен за пиротехниката од која настана трагичниот пожар, против него во моментов нема да се води постапка.

„Има одредени лица коишто се во тешка здравствена состојба и со консултација со лекарите за нив во моментов е одлучено дека не се во состојба за нив да се води постапка ниту да дадат изјава, за жал“, рече државниот јавен обвинител.