Skip to main content
Македонија

Мицкоски: Имам лично разбирање за акцијата за бојкот на маркетите в петок

28/01/2025  15:36

Премиерот Христијан Мицкоски денеска изјави дека има лично разбирање за акцијата за бојкот на маркетите в петок поради високите цени на прехранбените производи и повтори дека институциите ја следат состојбата и реагираат кај оние трговци што генерираат висок профит.

Тој вети дека ќе се обрати до соодветните институции за преземање мерки по прашањето дека дел од производителите се уценувани од големите ланци маркети, кои се обидувале да го изиграат законот за нефер трговски практики и им давале договори со 10 отсто маржа, но потоа нуделе специјални договори за маржа и до 45 отсто.

-После оваа содржина на прашањето има две дилеми. Првата е ако се случува, тоа е кривично дело и второ кажете ги кои се. Кога ќе ја напуштам прес-конференцијата ќе се обратам до соодветните институции веднаш да преземат мерки, изјави Мицкоски.

На социјалните мрежи се шират најави за бојкот на маркетите в петок на 31 јануари поради високите цени, по примерот на Хрватска, каде беше реализиран бојкот минатиот петок.