Министерството за финансии (МФ) изврши исплата на две нови транши кон Развојната банка, вкупно 873 милиони денари (14,2 милиони евра). Првата транша изнесува 305 милиони, а втората 568 милиони денари. Со овие средства, државната поддршка за домашната економија достигнува 217,5 милиони евра од вкупно планираните 250 милиони евра.
Целта е поддршка на приватните инвестиции, развој на компаниите и поттикнување на економски раст. Вредноста на целокупниот инвестициски циклус се проценува на околу 300 милиони евра.
