Намалена видливост поради густа магла е забележана на планинските премини Стража и Плетвар. Видливоста е до 50 метри, како и во Крушево, каде изнесува околу 70 метри, информираат од ЈП „Македонијапат“.
ЈП „Македонијапат“ апелира до возачите да управуваат внимателно, да ја почитуваат поставената сообраќајна сигнализација и да ја прилагодат брзината на условите на патот.
Дежурните екипи на претпријатието се постојано на терен и ги одржуваат сите патни правци проодни. За подетални информации, учесниците во сообраќајот можат да се јават на дежурниот телефон 02 25 61 502.
