Денес, со почеток во 11:00 часот, во „Public Room“ во Скопје, најмладата публика ќе има можност да ја погледнене детската театарска претстава „Љупка и Љубица“.
Претставата вклучува интерактивни моменти каде децата ќе можат да учествуваат во приказната преку одговарање на прашања и да изразат свои емоции преку ликовна работилница на крај.
Важно е за децата да ги разбираат емоциите бидејќи тоа им помага да ги разберат сопствените чувства, да развијат емпатија и да развиваат здрави односи.
Истото тоа влијае и кон подобрување на нивното ментално здравје.
Образовна цел: Да ги научиме децата на различни видови емоции како радост, тага, страв, лутина…
Емпатична цел: Да им помогнеме на децата да разберат како нивните емоции влијаат на нив и на другите околу нив.
Креативна цел: да ги поттикнеме децата да ги изразуваат своите емоции преку уметноста и креативната игра.
Актери: Анастасија Ласовска и Ангела Лефкова
Текст и режија: Изабела Јакимова
Билет: 300 денари. Родителите не плаќаат.
