Skip to main content
Македонија

Лога: ДИК да ја разјасни дилемата околу бројот на кандидати на советничките листи

30/07/2025  17:07

Доколку Државната изборна комисија (ДИК) прифати листи за советници кои содржат помал број кандидати од пропишаниот со Законот за локална самоуправа (член 34), тогаш постапува во отворена спротивност со законот и влегува во состав на тешко кривично дело, за што надлежните органи и соодветните членови треба да сносат индивидуална и институционална одговорност, се наведува во соопштението од Кренар Лога потпретседател на АА на крилото на Зијадин Села, што го објавуваме интегрално.

Нарушувањето на законитоста на изборите претставува една од најтешките форми на институционално прекршување и има сериозни последици врз демократијата, функционирањето на правната држава и довербата на граѓаните во изборниот процес.

Од таа причина, Државната изборна комисија мора итно да ја разјасни оваа дилема и да постапи во целосна согласност со важечките законски одредби, обезбедувајќи интегритет и законитост на изборниот процес, вели Лога.