Skip to main content
Македонија

Комора на психолози: Психолошка поддршка ќе им треба и на родителите и на повредените, но и на лицата кои учествуваа во спасувањето

19/03/2025  22:27

Македонските психолози имаат искуство во давањето помош и психолошка поддршка на лицата кои настрадале во различни несреќи, со оглед што досега имаше неколку поголеми трагедии како поплавата во Стајковци, големите пожари во источниот дел од државата, помагањето на настраданите во земјотресот во Турција и слично, истакнува претседателката на Комората на психолози на Македонија, Мирјана Јовановска Стојановска во интервјуто за МИА. Сепак, трагичниот пожар во дискотеката „Пулс“ во Кочани е поинаков случај од досегашните, не само поради големиот број настрадани, туку и затоа што дојде како шок и траума за сите граѓани во државата и пошироко.

После тој шок за сите, по загинувањето на младите луѓе, Јовановска Стојановска вели, поминуваат денови и некако луѓето ја имаат постојана таа мисла и идеја, порака дека се случи трагедија.

-Утрешниот погреб ќе биде како нова траума, не ретрауматизирање, значи не повторување на истото, туку сега е нешто ново затоа што погребите ќе бидат заеднички. Можеби од една страна е нешто добро затоа што кога ќе бидеме заедно, едни со други, ќе се поддржиме и ќе си помогнеме. Јас се надевам дека сето тоа така ќе излезе, човечки и достоинствено да си помогнеме едни на други, да го поминеме ова, изјави Јовановска Стојановска.

Јовановска Стојановска, посочува дека од понеделник ќе почнат со работилници и организирана психолошка помош во неколку училишта и градинки, кои веќе побарале помош.

За тоа како настанот, тагата и бесот, лошите чувства во домот влијае на децата, за тоа како да се процесираат сопствените емоции и да се создаде безбедна атмосфера и други насоки за справување со несреќи, во целото интервју со претседателката на Комората на психолози на Македонија, Мирјана Јовановска Стојановска.