Најновото истражување открива дека критичниот период кога жените најчесто добиваат вишок килограми е токму 38-та година од животот. Тоа е моментот кога најголем дел од жените се чувствуваат најнезадоволни од својот изглед.
Периодот меѓу 35 и 40 години се смета за најризичен кога станува збор за зголемување на телесната тежина. Причините се најчесто хормонални промени, но и начин на живот полн со обврски, стрес, нередовна исхрана и недостиг на физичка активност.
Според истражувањето:
- 35% од жените се здебелиле откако станале мајки, бидејќи јадат повеќе или почесто.
- 33% велат дека по свадбата и влегувањето во долготрајна врска килограмите почнале да се трупаат.
- 22% го поврзуваат дебелеењето со емотивен стрес по прекин на врска или развод.
Но, истражувањето носи и добра вест – по 40-тата година, многу жени доживуваат позитивен пресврт. Оваа бројка претставува своевидно „будење“ – време кога жените почнуваат свесно да се грижат за себе, да го менуваат начинот на живот и да ги отфрлат лошите навики.
Кај мажите, пак, критичниот период за таложење килограми е нешто подоцна – меѓу 40 и 45 години, кога најмногу се соочуваат со маснотии во пределот на стомакот и опуштено тело.
Животот по 40-та година може да биде нова фаза исполнета со здравје, самодоверба и позитивни навики – сѐ започнува со свесна одлука за промена.
