Црвеното вино е чест избор за време на празниците и ладните денови, но во случај на излевање на облека, теписи или мебел, многу луѓе знаат колку е тешко да се отстранат таквите дамки.
Лаура Харнет споделува неколку трикови за отстранување на дамките од црвено вино, дури и ако тие веќе се исушени.
Ако истурите вино на облеката, веднаш измијте ја со ладна вода. Лаура тврди дека исплакнувањето на дамката со ладна вода го турка црвеното вино на површината на која прво паднало. Продолжете со плакнење додека водата не стане целосно чиста.
Иако многу луѓе посегнуваат по белото вино за да го неутрализираат црвеното, Лаура истакнува дека тоа е мит. Наместо тоа, таа препорачува користење сол.
„Солта ги привлекува молекулите на црвеното вино и ги одвојува од ткаенината. Посипете сол на дамката и оставете ја барем 10 минути. Никогаш не тријте дамка од црвено вино бидејќи тоа само ќе ја турне бојата подлабоко во ткаенината. Наместо тоа, нежно тапкајте со сува кујнска крпа“, рече таа.
После тоа, измијте ја облеката како и обично. Ако дамката сè уште изгледа темно, додајте капка детергент директно на дамката и оставете ја да отстои околу 20 минути пред да ја измиете.
Пред да ја нанесете солта, обидете се со хартиени крпи или крпа да апсорбирате што повеќе истурено вино. Доколку дамката е на тепихот, оставете ја солта преку ноќ да ја впие преостанатата течност.
Ако немате сол при рака, Лаура тврди дека сода бикарбона ќе постигне сличен ефект. Мешавина од бел оцет и течност за миење садови исто така ги отстранува дамките.
„Помешајте бел оцет и течност за миење садови, нанесете на софата или тепихот и намачкајте неколку пати, а потоа исплакнете“, додаде таа.
