Претседателот на партијата Алтернатива, Зеќирија Ибрахими, смета дека заедно со промената на државниот грб треба да се смени и химната.
Во емисијата „Дијалог кај Лајм“, Ибрахими рече дека во интерес на внатрешната кохезија, химната треба да ги претставува сите заедници кои живеат во Северна Македонија.
Според него, такво нешто би можело да се постигне на неколку начини. Првиот, правејќи химна со два текста, едниот за Албанците, а другиот за Македонците. Второ, химна со еден текст што ќе ги вклучи сите ентитети и ќе може да се пее на сите нивни јазици. И третото, химна без текст.