Грција започнува итна модернизација на граничниот премин Евзони со цел да се забрзаат пасошките и царинските контроли и значително да се скрати престојот на туристите што влегуваат и излегуваат од земјата, соопшти Националното здружение на туристички агенции на Србија.
Одлуката, како што е наведено на Инстаграм профилот на здружението, е донесена на проширен состанок што заеднички го свикаа заменик-министерот за внатрешни работи за регионот Македонија-Тракија, Константинос Гкулекас, и секретарот на Децентрализираната администрација на Македонија-Тракија, Јоанис Савас.
Во првата фаза ќе се зголеми бројот на службеници на преминот, што, како што беше истакнато на состанокот, е клучно за скратување на времето за обработка на патниците и верификација на податоците.
Граничниот премин Евзони е многу френквентен особено во летните месеци поради годишните одмори, со оглед дека Грција ја посетуваат голем број туристи од Македонија и Србија, и најчесто го користат овој граничен премин.
