Skip to main content
Македонија

Ѓоко Велковски ја презеде функцијата министер за социјална политика, демографија и млади

14/07/2026  14:04

Во Министерството за социјална политика, демографија и млади денеска беше извршено примопредавање на министерската функција, при што Ѓоко Велковски ја презеде должноста министер од досегашниот министер Фатмир Лимани.

Министерот Велковски, кој досега ја извршуваше функцијата заменик-министер, во изминатиот период активно учествуваше во креирањето и реализацијата на програмските активности и политиките на Министерството. Неговото досегашно искуство и непосредната вклученост во работата на институцијата претставуваат значајна основа за продолжување на започнатите процеси и за понатамошно ефикасно и одговорно функционирање на Министерството.