Skip to main content
Скопје

Герасимовски: Живите статуи повторно во Центар, десет години „Статуафест – Другото лице на улицата”

16/09/2026  09:17

Општина Центар најавува нов перформанс на Театроск  „Статуафест – Другото лице на улицата”. Фестивалот годинава го слави своето десетто, јубилејно издание. Ќе се одржи на ул. „Македонија” и на плоштадот „Македонија” на 17, 18 и 19 септември, со почеток во 18.30 часот.

Во трите фестивалски денови на Статуафест ќе бидат поставени 15 улични акти со живи статуи, си учество на  над 20 артисти од продукцијата на „Театроск”.

Покрај живите статуи, на фестивалскиот простор ќе биде поставена и уметничка инсталација „Силуети од минатото” на Горан Казанковски, како и  ликовна изложба на уметникот Ненад Рафајловски.
Општина Центар оваа година издвои еден милион денари од буџетот за перформансот „Центарски улици”, како поддршка и  промоцијата на младите македонски  уметници, улични перформанси и музички изведувачи.