Skip to main content
Скопје

Герасимовски: И ова утро, Општина Центар го исчисти сметот во Дебар Маало, Комунална хигиена на продолжен викенд

12/05/2025  12:59

Утрово, жителите на Дебар Маало повторно се разбудија со полни и неисчистени контејнери. Наместо поажурно одржување и чистење на јавниот простор од страна на надлежното јавно претпријатие ЈП Комунална хигиена, за чистењето и овој пат интервенираше Општина Центар со сопствени ресурси.

Наместо ЈП Комунална хигиена да праќа деманти дека секојдневно го собира и транспортира комуналниот отпад според динамиката утврдена со Оперативната програма за собирање и транспортирање на комуналниот отпад, Општина Центар апелира од утре, од 7:00 часот изутрина центарските улици да бидат чисти. 

Ги повикуваме граѓаните да пријавуваат смет и диви депонии на следните телефонски броеви 076/350-767 и 02/3203-693. Општинските служби веднаш ќе излезат на терен и ќе се погрижат за хигиената во централното градско подрачје. Центар не чека, Центар чисти.