Skip to main content
Македонија

Газдата на „Дурмо турс“ и уште еден обвинет се уште не се во затвор оти имале проблеми со тестисите

02/10/2025  16:31

Сопственикот на „Дурмо турс“ Дурмиш Белули и одговорниот за транспорт на фирмата Ремзи Мифтари кои се правосилно осудени на десет години затвор за несреќата од 2019 година, во која загинаа 16 патници се уште не ја издржуваат казната затвор затоа што и двајцата осудени имале проблеми со тестисите, пренесува „Сакам да кажам“.

На 9 мај Апелациониот суд Скопје на газдата Дурмиш Белули повеќе од двојно му ја зголеми затворската казна. Од четири, на десет години. На Ремзи Мифтари му ја зголеми од од шест на десет години затвор.

Автобуската несреќа се случи во 2019 година. Загинаа 16 патници, а над 30 беа повредени.