Skip to main content
Македонија

Филипче и пратениците на СДСМ излегоа пред Собранието во поддршка на родителите од Кочани

29/04/2025  19:03

Претседателот на СДСМ и пратеник, Венко Филипче, денес застана пред Собранието на Република Северна Македонија, одговарајќи на повикот од родителите на настраданите деца во трагедијата во Кочани. Заедно со него беа и пратениците од неговата пратеничка група, кои со своето присуство ја изразија поддршката и солидарноста со семејствата што ја преживуваат најголемата можна болка — загубата на своите деца.

„Нашата обврска како пратеници е да бидеме гласот на луѓето, особено кога тие се најранливи. Нема да дозволиме ничија болка да биде злоупотребена за дневнополитички поени“, рече Филипче.

Родителите, во изјавите за медиумите, изразија благодарност до пратениците кои излегоа и им ја пружија својата поддршка. Тие посочија дека им значи тоа што барем некои политичари имаат слух за нивната болка и се подготвени да ги сослушаат и поддржат во нивната борба за вистина и правда.