Соопштение на ДУИ:
Вчера, пред очите на целата јавност, кандидатот за градоначалник на Општина Чаир, Изет Меџити, призна дека се сретнал со албанските полицајци од Чаир, Сарај и Бутел. Притоа, не негираше дека средбата се одржала во салата на Советот на Општината, во присуство на заменик-министерот за внатрешни работи, Џелал Кока, брат на неговиот зет.
Ова е тежок скандал и директно кршење на законот! Законот за полиција предвидува дека полицијата е независна институција и политички неутрална, која делува единствено во рамките на своите законски надлежности и задачи. Изборниот законик пак, строго ја забранува вклученоста на државната администрација и користењето на јавни ресурси за партиски и изборни цели.
Ние како ДУИ јавно прашуваме:
• Во кое својство еден кандидат за градоначалник свикува и среќава полицајци?
• Дали оваа средба се одржала со знаење и одобрение на министерот за внатрешни работи?
• Што било дискутирано и дали било побарано од полицајците да вршат притисок врз граѓаните?
Доколку овие обвиненија се потврдат, станува збор за користење на полицијата како политички инструмент, што претставува изборен криминал и тешко нарушување на демократскиот поредок.
ДУИ апелира до Министерството за внатрешни работи, Државната изборна комисија и Јавното обвинителство веднаш да отворат истрага и да ја информираат јавноста кој ја наредил оваа средба и што било побарано од припадниците на полицијата.
Чаир нема да дозволи заплашувања и закани! Ќе го заштитиме секој граѓанин и секој глас. Изборите на 19 октомври ќе бидат референдум за демократија и слобода, а не за полициската држава на Изет Меџити и неговата клика.
