На првата седница на Претседателството на ДУИ по конгресот одржан викендов, вечерва беа донесени одлуки за понатамошното структурирање на партијата, вклучително и избор на нови претседатели на локалните ограноци и партиски функции. Усвоен е Правилникот за работа на Претседателството на Централниот одбор.
Новата портпаролка не ги коментираше изјавите на Тимчо Муцунски и Венко Филипче поврзани со изјавата на Али Ахмети за Југославија, нагласувајќи дека фокусот на партијата е насочен кон внатрешното организирање и развој. На седницата се разговарало и за организацијата на секретаријатите.
