Skip to main content
Македонија

ЦУК: Активни шест пожари на отворено, еден е под контрола, а изгаснати се 21 пожари

08/09/2025  20:26

До 18:00 часот, на територијата на државата регистрирани се вкупно 28 пожари на отворен простор, од кои активни се шест, под контрола е еден, а изгаснати се 21 пожари, соопштија попладнево од Центарот за управување со кризи.

Под контрола е пожарот на дивата депонија Вардариште во Општина Гази Баба.

Изгаснати се 21 пожар во повеќе општини во државата каде горела главно ниска вегетација, во Општина Ресен на место викано Порој биле зафатени и јаболкови насади, во Општина Липково во селата Оризаре и Слупчане била опожарена и мешана шума и ниска вегетација, а во Општина Старо Нагоричане: с. Младо Нагоричане, маало Бузанци била зафатена од пожар кровна конструкција од плевна, наведуваат од ЦУК.