Mинистерството за внатрешни работи информира дека вчера 64-годишен битолчанец со автомобил удрил пешак, свој сограѓанин, при што тој се здобил со тешки телесни повреди.
„На 01.02.2025 во 09.26 часот во СВР Битола било пријавено дека на ул.„Генерал Васко Карангелевски“ во Битола патничко возило „фолксваген поло“ со битолски регистарски ознаки, управувано од Н.А.(64), удрило во пешакот А.Б.(89), двајцата од Битола. Во несреќата со тешки телесни повреди се здобил пешакот, констатирани во Клиничката болница Битола“, велат од МВР.
Извршен бил увид од увидна екипа од СВР Битола.
