Војниците од 9. баталјон на инженерската бригада во базата Форт Стјуарт од американската армија во Џорџија ќе добијат четиридневно отсуство и можност за играње на долгоочекуваната игра „ГТА 6“ доколку го продолжат воениот рок од 1 август до 14 ноември. Со договорот тие се обврзуваат да служат уште најмалку две години во армијата.
– Според потпишаниот меморандум четиридневното отсуство ќе започне во согласност со официјалниот датум на објавување на „ГТА 6“, соопшти потполковникот Рајан Хоџсон.
Целта на персоналот е мотивирање на војниците да ја продолжат службата во армијата најмногу до шест години, при што од вкупно 130 војници само 20 го прифатиле предизвикот.
„ГТА 6“е едно од најочекуваните изданија во „гејминг“ индустријата, а ќе биде достапна од 19 ноември на „Иксбокс и Плејстејшн“.
