Адриен Броди го доби својот втор Оскар за најдобар актер благодарение на улогата во „Бруталист“ во режија на Брејди Корбет. Тој се натпреваруваше против Тимоти Шаламе, Колман Доминго, Ралф Фајнс и Себастијан Стен.
Внимание привлече и неговиот говор. Имено, кон крајот на неговиот долг и страстен говор, Академијата почна да пушта музика за да го прекине.
„Веќе завршувам, ве молам намалете ја музиката“, рече Броди. „И порано сум поминал низ ова. Ви благодарам. Не ми е прв пат, но ќе бидам краток”, додаде тој.
Броди го започна својот петминутен говор изразувајќи благодарност за животот и кариерата што имал можност да ги изгради. „Глумата е многу кревка професија. Изгледа гламурозно, а во одредени моменти е“, рече Броди.
„Но, она што го научив од привилегијата да се вратам овде е да имам перспектива. Без разлика каде сте во кариерата и што сте постигнале, сето тоа може да исчезне. И мислам дека свесноста е она што ја прави оваа вечер посебна, како и благодарноста што сè уште можам да го работам она што го сакам“, рече тој.
Интересно е тоа што тој ги доби двата Оскари за неговите улоги на ликови, преживеани од Холокаустот.
„Повторно сум тука за да ја претставам трајната траума и последиците од војната, системската репресија, антисемитизмот, расизмот и исклученоста“, рече Броди. „Се молам за поздрав, посреќен и поинклузивен свет. Ако минатото може нешто да нè научи, тоа е потсетник дека не смееме да дозволиме омразата да се шири без отпор“, рече тој.
Неговиот говор набрзо стана „мим“ на социјалните мрежи.
this adrien brody speech pic.twitter.com/MBu1KoDqlW
— m (@bigIttIeIies) March 3, 2025
Me watching this Adrien Brody speech pic.twitter.com/BSTCttjUS3
— Rify Royalty (@rifyroyalty) March 3, 2025
Cillian Murphy esperando que Adrien Brody termine su discurso #Oscars2025 pic.twitter.com/ZbfcK2zCGA
— Marcelita Smart&Strong (@MarceH_vari) March 3, 2025
