Премиерот и претседател на ВМРО-ДПМНЕ, Христијан Мицкоски, вечерва коментираше за вториот круг од локалните избори во Скопје и победата на Орце Ѓорѓиевски.
„Никој гласовите не ги чува во џеб, ниту може да ги испорача од џеб. Видовме една чесна заложба за Орце Ѓорѓиевски. Факт е дека гласачите кои гласаа за ВЛЕН не излегоа и не го поддржаа за Орце Ѓорѓиевски. Претпоставувам дека таква била одлуката на гласачите“, изјави Мицкоски одговарајќи на новинарско прашање.
Тој додаде дека, и покрај тоа, победата на ВМРО-ДПМНЕ е убедлива и покажува дека граѓаните ја препознале енергијата и промената што ја нуди новото политичко време.
„Гласовите не се ничија сопственост. Граѓаните донесоа одлука и ја препознаа визијата за новото политичко време“, истакна Мицкоски, коментирајќи ги шпекулациите дека дел од коалициските партнери на ВМРО-ДПМНЕ, меѓу кои и движењето ВЛЕН, не го поддржале Орце Ѓорѓиевски во вториот круг.
