Skip to main content
Спорт

Распродадени билетите за македонските фанови за дуелот со Белгија во Гент

25/09/2025  16:52

Фудбалската федерација на Македонија (ФФМ) објави дека сите билети наменети за македонските навивачи за квалификацискиот натпревар Белгија – Македонија целосно се распродадени. Натпреварот ќе се игра на 10.октомври и дел од квалификациите за пласман на СП 2026. 

Во изминатите три недели на располагање беа ставени речиси 1.000 билети, кои беа понудени за продажба преку официјалната платформа на ФФМ и се целосно резервирани од нашите поддржувачи.

ФФМ упати голема благодарност на навивачите за интересот и поддршката која македонската репрезентација ќе ја има во Гент за мечот против Белгија.