Skip to main content
Македонија

Утрово Скопје што дише? А зимата допрва доаѓа!

10/09/2025  08:48

Иако грејната сезона сè уште не е започната, Скопје повторно се гуши во смог и загаден воздух. На фотографијата направена утрово јасно се гледа густата магла која не е ништо друго освен слој од штетни честички што го прекрива градот.

Граѓаните со право се прашуваат – ако вака изгледа воздухот во септември, што ќе се случува во ноември и јануари, кога ќе се вклучат грејните тела и кога загадувањето традиционално достигнува највисоки нивоа?

Проблемот со загадениот воздух одамна е препознаен, но решенија нема. Наместо конкретни мерки и стратегии, жителите на Скопје секоја есен и зима дишат отровен коктел од ПМ честички, издувни гасови и индустриски емисии.