Ветувањето стана реалност – Македонија добива ВАР систем во фудбалските натпреварувања. Претседателот на Фудбалската федерација на Македонија (ФФМ), Масар Омерагиќ, го реализира едно од главните ветувања по преземањето на функцијата.
Утре, во седиштето на ФФМ, ќе бидат официјално претставени новите простории на ВАР системот. Претставници на ФФМ и Комисијата за судии ќе ги презентираат техничките и оперативни капацитети на просториите, кои од сезоната 2025/26 ќе бидат целосно функционални за сите натпревари во Првата македонска фудбалска лига.
Според најавите, ВАР ќе биде во функција веќе од петок, 8 август, кога започнува и новата сезона во Прва МФЛ. Првите натпревари што ќе се играат со помош на новата технологија се дербито меѓу Шкендија и Шкупи 1927 во Тетово (17:00 ч.), како и големото градско дерби помеѓу Вардар и Пелистер на Националната арена „Тодор Проески“ во Скопје (20:00 ч.).
Распоред – 1. коло (2025/26):
Петок, 8 август
- Шкендија – Шкупи 1927 | 17:00 | Градски стадион, Тетово
- Вардар – Пелистер | 20:00 | Национална арена „Тодор Проески“, Скопје
Сабота, 9 август
- Башкими 1947 – Аресими 1973 | 17:30 | Стадион Башкими, Куманово
- Струга Трим Лум – Македонија ЃП 1932 | 17:30 | Стадион Караорман, Струга
Недела, 10 август
- Тиквеш 1930 – Работнички | 17:30 | Градски стадион, Кавадарци
Понеделник, 11 август
- Силекс – АП Брера Струмица | 17:30 | Стадион Силекс, Кратово
Со воведувањето на ВАР, македонскиот фудбал влегува во нова ера, со цел да се зголеми правичноста и да се намали бројот на спорни судиски одлуки.
