Skip to main content
Македонија

Меџити до Таравари: Ти не донесе промена, Влен продолжува по патот на промената

13/05/2025  09:02

Лидерот на Демократското движење и еден од лидерите на коалицијата „Влен“ Изет Меџити по излегувањето на Алијанса на Албанците на Арбен Таравари од владината коалиција напиша дека Влен продолжува по патот на промената.

Во објава на „Фејсбук“, Меџити напиша дека Таравари не ја напуштил Владата, туку ја предал. 

– Ти не донесе промена. Ти не се враќаш кон народот. Ти се враќаш кон црната листа. Ти не ја напушташ Владата. Ти ја предаде Владата, напиша Меџити.

Меџити оценува дека „Таравари е разочарување за секој Албанец кој гласал за промената“. 

– VLEN продолжува по патот на промената. Ги покануваме сите активисти, симпатизери и гласачи кои се чувствуваат измамени, предадени и оставени сред пат без насока, пишува во објавата.

Лидерот на едното крило на Алијанса за Албанците Арбен Таравари синоќа по состанокот одржан во Тетово соопшти дека ја напуштаат владината коалиција и одат во опозиција.