Skip to main content
Македонија

Гафот на Мицкоски дека македонскиот јазик е кодификуван во 1977 година е далеку посериозен од оној на Каранфиловска за кандидатскиот статус на Македонија

12/05/2025  20:12

На социјалните мрежи особено од членови и функционери на партијата ЗНАМ и ВМРО-ДПМНЕ деновиве се коментира обраќањето на заменик претседателката на СДСМ Фани Каранфиловска Пановска која кажа дека Македонија кандидатскиот статус за ЕУ го добила во 2009 година.

Но, оваа грешка на вториот човек во СДСМ е помала од гафот на премиерот Христијан Мицкоски во однос на македонскиот јазик.

Ставот на Пановска околу кандидатскиот статус заврши само на социјалните мрежи, но погрешната информација на Мицкоски заврши и на регионални медиуми.

Мицкоски на српска телевизија, пред српската јавност, тврдеше дека македонскиот јазик бил кодификуван дури во 1977 година.

Тоа, не е точно бидејќи кодификацијата на македонскиот јазик се случила дури повеќе од три децении порано, односно во 1944 година.

Од многумина таквите тврдења на Мицкоски се толкуваа како негирање и загрозување на македонскиот јазик од негова страна.

Оттаму, се доаѓа до заклучок дека гафот на Мицкоски за македонскиот јазик е далеку посериозен од оној на Каранфиловска Пановска.