Skip to main content
Култура

ИФФК „Браќа Манаки” со повик за учество во проектот „Кадар-на“ (Her frame)

12/05/2025  09:42

ИФФК „Браќа Манаки” како дел од проектот „Кадар-на” (анг. HER FRAME, во буквален превод „Нејзин кадар”) ја поддржува иницијативата за надминување на родовата нерамноправност во филмскиот сектор.  

Постоењето на родовата нерамноправност е утврдено на сите нивоа во аудиовизуелната индустрија, а оваа програма е наменета за нови и млади уметници, филмски работнички кои сакаат да ги усовршат своите знаења и вештини со поддршка од истакнати експерти од филмскиот свет, преку онлајн работилници и интензивна менторска програма.

Повикот е отворен до 09.06.2025, а резултатите ќе бидат објавени на 16-ти јуни.

Учесничките ќе имаат можност да следат пет онлајн работилници со експертки од филмскиот свет, конференции во Нови Сад и во Битола, три мастер-класови, менторска програма и претставување.

За дополнителни информации и/или појаснувања на  marketing@nsff.rs