Тешка сообраќајна несреќа се случи ноќеска на автопатот А3 во Хрватска. Дошло до превртување на автобус откако налетал на автомобил кој стоел на автопатот. На местото на несреќата починале две лица и 31 лице е повредено, вкупно 33 лица. Три лица се во животно загрозувачка состојба. Повредените биле згрижени од Брзата помош со вкупно девет тимови од кои шест тимови се од Сисачко-московската и три тима од Загребската жупанија.
Полицијата во своето известување пишува дека во сообраќајната несреќа учествувале автобус со босанскохерцеговски национални ознаки и автомобил исто така со босанскохерцеговски таблички.
Жупанискиот пожарникарски командант Мирослав Голуб објасни како дошло до тешката несреќа, пренесува Кликс.ба.
Како што рече тој, автомобилот налетал на срна која излегла на автопатот.
– Возачот очигледно потоа можел да го тргне автомобилот, но излегол на автопатот и им мафтал на другите автомобили да забават и за запрат. Возачот на автобусот кој се доближувал, не запрел па удрил во автомобилот на автопатот, ја пробил заштитната ограда и се превртел и завршил во спротивна насока, изјавил Мирослав Голуб.
