Вечерва беа регистрирани два земјотреси во регионот, и тоа во источна Бугарија и во Албанија.
Првиот земјотрес, со јачина од 3,3 степени според Рихтеровата скала, се случил во источниот дел на Бугарија, во 22:09 часот по локално време. Сеизмолошките служби информираа дека потресот бил почувствуван во поширокиот регион, но засега нема информации за предизвикана материјална штета или повредени.
Вториот земјотрес се случил само 37 минути подоцна – во 22:46 часот, и е регистриран во Албанија, во близина на Подградец. Овој потрес бил нешто посилен, со јачина од 3,4 степени според Рихтеровата скала.
И двата земјотреси се оценети како умерени и не предизвикале паника кај населението. Сепак, сеизмолозите остануваат во состојба на зголемено следење, особено кога се регистрираат потреси во кус временски интервал и на блиски локации.
